PRIMO EPISODIO
Pippinella e Ciriachino, se sposarono, ma, roppo la foia re lo matrimonio, accomenzaven’a sciarria’ pecchè nun tenevano no lavoro fisso e non se poteva tirà nnanze solo r’amore.
’Nu iuorno ‘no frastiero ca era venuto co’ lo traino (carretto) a porta’ ‘no carico re levene a Taurasi, parlanne co’ Ciriachino, ca l’aveva aiutato a scarica’, ‘na parola tir’a nate,‘nge raccuntave ca lo prevete re ‘no paese vicino cercava ‘nu parsonale, anz’ mo ca ce penzo,“Ciriachi’ spanne la voce si quaccheruno ten’interess’, ca se nge trovammo lo parsonale, lo prevete nge face ‘no bello rialo”.
Ciriachino poco ropp’ ‘nge raccontave lo fatto a la mogliera e.. . . non ‘nge pensarene ddoie vote: iamm’a verè, ca se nge piace, facimme nui li parsonali. La matin’appriesso se preparare’ ‘n’o poch’e pane, chiurière la porta re case e s’avviarn’. Com’arrivarono, ieren’addiritt’a la casa re lo prevete.
Quisto l’accompagnave a ‘la Spineta,ca se trovav’ poco lontano ra lu paese, addo teneva nu bello piezzo re terra co’ na massaria arainde.
Li dduie se vardarene nfaccia . . . Addo’ la trovavene ‘na ciorta meglie re quera!? Pur’a lo prevete lor’ dduie piacevene, pecchè’ frattant iss’aveva trovate chi fatiave lo terretorio, e, nun sule,ma po’, mente Ciriachino vardava la propieta’, Don Ciccio teneve l’uocchie semp’ ‘nguoll’a la mogliera.
Lu marite,nnanz’a l’uocchie suie vereva terra,massaria e pan’assicurato !?
Se mittiere subito d’accordo.
Passave lo tiempe e lo preveto faceva sempre cchiù lo fesso co’ la mogliera.Lo marito, ca manch’era tanto scemo, scortava re n’ata manera. Quanno se sparteva la raccota, lo prevete faceva lo spirituso co’ la mogliera e Ciriachino fottev’la robb’a lo prevete. Il pasonale s’era ‘mparato e ogni anno receva ca l’annata era scarsa: e mo era colpa re li iazzini e mo la neve e mo lo viento e mo l’acqua, a la fine ‘na bona parzione re la raccota fenev’ aind’a la massaria re Ciriachino.
Don Ciccio non sapeva come fare:“Cirià, pecchè quist’anno me tocca sulo sto poco?” E Ciriachino:“ Don Cì ,quist’anno ‘ng’è stata ‘na brutta annata!”
E l’anno appriesso sempe la stessa storia.
N’anno Don Ciccio addummanav’a certe vicine re terretorie: “ Come sarà il raccolto quest’anno?” E quiste riciero:“Quist’anno, Don Cì, la raccota sarà magnifica!” Ma, quanne fecere le parte, Ciriachino pure se lamentave. . .’nge rive sempe cchiù poco ‘re l’at’anne.
Don Ciccio fece finta re niente, ma pensava “mo lo sistemo io a sto fetente.”
Cercave la mogliera re Ciriachine e 'nge ricive: “Avverti tuo marito che domenica deve venire un po’ prima in Chiesa, perché gli devo parlare!”.
La donna una volta a casa risse a lo marito:“Ment’ievo a piglià l’acqua, aggio ‘ncuntrato lu patrone e m’a ditto ca te vole parla’! “ La domenica a matina lo preveto risse a Ciriachino ca ogni tanto s’eva fa pure la comunione, pe questo “S’eva confessa’”.
Ciriachino, ca teneva la cora ngulo, respunnive: “ Me confesso si tu nun fai lo patrone e io lo parsonale!”
E Don Ciccio:“E sia! Che lavoro fai? Che peccato hai commesso?”
E Ciriachino: “Lavoro come parsonale nella terra re ‘no preveto.”
E l’altro:“Quando dividi il raccolto, fai le parti uguali o ne approfitti?”
“Lo sapevo, pensò Ciriachino. Si stive ‘nu poco citto, po’ respunnive: “Cà ritto Don Cì? nun se sente niente!
E il prete: “Com’è possibile? Mo sentivi buono, ora non più?!
E il parsonale:“Non se sente, che dici?
Facimm’accussì: Vieniti a mette tu ra qua e vire se se sente!?”
E cosi’ fecero.
Ciriachino s’assettavo a lo posto re lo preveto aint’a lo confessionale e alluccave: “‘on Cì, si nun la finisci re ‘ngementà a moglierema, passi ‘nu vaio ruosso!? “
E il prete subito : “Avevi ragione tu Ciria’! Da questa parte non se sente proprio niente!?”
